香港新浪網 MySinaBlog 精選話題工具
新浪網 - MySinaBlog
城市傳聞謎謎謎
orphenus | 18th May 2010 | 一般 | (8 Reads)
唔知大家有冇聽過「城市傳聞」呢個term？其實即係一d傳得好勁又言之鑿鑿o既故仔，最後被人發現全屬老作。當中有幾個好經典o既，例如：
  • 你有一晚飲醉酒，訓醒發現自己訓左嚮一個浸滿冰o既浴缸入面，浴缸旁邊有個電話響起，有個陌生人打黎同你講「你個腎已經被人割走左！」叫你自己報警，然後你發現自己腰後有一道疤痕.....(原汁原味故事嚮呢度)
  • 如果你向黑幫成員閃車頭燈，佢就會開槍射你。(原汁原味故事嚮呢度)
  • 雞記o既雞胸肉同埋雞脾肉係無頭無手無腳咁養出黎的。(原汁原味故事嚮呢度)

  • (好謎呀！)

不過話明係傳聞，最後都證實係假的。但我自己就好鍾意睇城市傳聞，因為好多時疑幻疑真，我當佢科幻故仔咁睇~ 今日我嚮網上搵到個專講城市傳聞o既網站可以同大家分享下，當中有d故事都幾搞笑，真佩服作故者之想像力：

(睇更多)
留言(0) | 引用(0)

我終於知道，點解女仔勁瘦都話要減肥！
orphenus | 17th May 2010 | 一般 | (15 Reads)
相信大家同我一樣，身邊女性朋友無論肥、中、瘦、定見哂骨，都話要減肥，我有位女性朋友本身係model咁o既身型都話要減肥，我話「妳依家已經好fit，再減就唔好睇」，但佢硬係唔聽。

所以「女仔點解勁瘦都話要減肥？」呢個疑問嚮我心入面好耐，而早兩個星期終於畀我發現答案！
你想唔想知？

(睇更多)
留言(1) | 引用(0)

修身要有效？要學識把握「時機」
orphenus | 5th May 2010 | 一般 | (7 Reads)
依家物質咁豐富，好多人都長多左肉，希望減下肥靚D又健康D(包括我在內)，咁就當然有好多唔同方法啦~ 其實萬變不離其宗，就係「少吸收，多消耗」：食少D熱量落肚，又做下運動消耗熱量同脂肪。講真，唔做開運動o既人就踢佢都唔郁啦 (如果唔係Slendertone修身腰帶點會令咁多人心郁郁？)，所以大部份人都係「話要」食少D減肥。But，香港呢個美食 + 快餐天堂，叫人點忍呀？

呢一刻誓神劈願話食少D，但一見到好味野食又停唔到，有咩計呢？

其實減肥要有決心，最緊要係把握時機。

何謂把握時機？原來美國有大學做左一項關於戒煙o既研究，想知點解咁多人戒煙失敗。最後，科學家發現原來面對誘惑，人會分為兩種狀態：一種係「熱狀態」，即係.....(睇更多)


留言(0) | 引用(0)

天下烏鴉一樣黑？世界桌球王「斷正」短片
orphenus | 4th May 2010 | 一般 | (10 Reads)




你哭訴都無用，呢單野堪稱運動界史上最斷正o既醜聞~
除非你話Tom Cruise用職業特工隊o既「扮人科技」扮你啦~


【明報專訊】桌球世界冠軍希堅斯（John Higgins）爆出打假波醜聞，震驚國際，世界職業桌球和美式桌球聯會（WPBSA）主席赫恩周日透露，他已跟希堅斯通過電話，希堅斯在電話中聲淚俱下，堅稱「我從沒參與任何形式的桌球賽果做馬」。赫恩則跟希堅斯坦言，若他真的被證明有罪，「他的桌球壇生涯將成疑問」。

赫恩承認跟希堅斯相識近20年，但兩人友誼對聯會處理今次事件毫無關係。「對（他在電話中淚流不已），但我不會為任何人感到難過。雖然我視他是易相處的人，但現在關乎的是整項桌球運動。」前桌球世界冠軍泰萊（Dennis Taylor）昨呼籲，任何被證實打假波的球手，都應被罰終身禁賽。
留言(0) | 引用(0)

靚到「殺死人」？！
orphenus | 3rd May 2010 | 一般 | (13 Reads)
我地d老一輩o既人會話「嘩！個女仔真係靚到殺死人！」，d後生細仔會話我地浮誇，之不過....
美色真係殺得死人o架！

外國有間華倫西亞大學研究話，原來男性同陌生靚女同室共處5分鐘，就會產生巨大壓力，一d稍為自卑o既男性，重會令到腦內皮質醇嚴重升高，緊張程度直標到好似嚮高空跳出飛機咁！嘩！成日睇廣告話香港人工作壓力令皮質醇偏高o者，估唔到最嚴重o既唔係做野同埋畀老細捽數，而係睇靚女！


而且，份研究重話.......(睇更多)
留言(0) | 引用(0)

窮飛龍 《原曲 陀飛輪》
orphenus | 15th Apr 2010 | 一般 | (2 Reads)
窮飛龍 《原曲 陀飛輪》



過去在五歲 樂與玩 一切靠父母
吃喝 任意浪費 哪要乞討
霎眼廿七歲 仍在求職 三千蚊都殺
人哋嘆燉翅 我卻三餐懊惱

求學歷求高職 待遇高薪 爭取過 也沒有
我的兩餐一宿不足 怎麼配佳偶
地價太高 呎價已逾萬 而蝸居怎去購
賺到外快 物價仲快 無力買 論什麼講究

* 勞力得 幾多鈔票
煤電水單搾乾鈔票了
窮又燶 剩低散銀只夠 多買一隻蕉
最低工資出鞘 如何保一家的需要
糧頭用到盡了 貸款救助不了

財力是人必須 自力更生 基本費要預夠
怕通脹超高 加班 搵兼職 也不夠 no~~
就算進修 有數個碩士 無資本怎搏鬥
貌相沒有 捷徑沒有 難道要 六合彩打救
Repeat *

我未老 怎等MPF救濟
為何煲粥冇米
我縱使節儉了 無豪洗
租貴食貴又見底

還剩低 幾多鈔票
人廿蚊 一粒鐘怎會笑
捱病倒 亦不斗膽請假 單太多要繳
冇錢 親戚閃了 燃眉之急幫手飄渺
長期又借又卸 有邊個願關照

銀~紙 少得呼叫
糧就出 擺得十秒
每月借 每月上 的咭數 銀碼怕發表 no~~
連累積 息口拖欠
還未敢 呼吸十秒
存摺沒有錢 我覺悟了
願捱過去這個關口 再笑
留言(0) | 引用(0)

終極防狼術：「陰」招奪命鎖？！
orphenus | 14th Apr 2010 | 一般 | (4 Reads)
無論你今年去唔去南非睇世界杯，都記得要帶一樣紀念品返黎。
唔係波、唔係波衫、唔係旗仔頸巾，而係佢.....

佢就係「防姦陷阱」(Rape-Axe)。



今年南非世界杯期間，呢個「防姦陷阱」就會有得賣，因為南非係全球發生強姦案最多o既國家，女性只要將佢放入陰道，一旦遇到色魔侵犯，呢個陷阱會夾住色魔的陽具，令他痛不欲生、生不如死。

(睇更多)
留言(0) | 引用(0)

新水神！3秒游完100米？！
orphenus | 10th Apr 2010 | 一般 | (13 Reads)
你無睇錯標題，四川真係有一個學生用3秒游完100米自由式！

話說大陸o既《華西都市報》引述四川省游泳協會秘書長周凱話，嚮上星期o既全省中學生游泳錦標賽，有一個姓章o既學生100米自由泳成績係「3.09秒」....3.09秒！我用我小學程度o既數學同佢計一計，佢可以用1.5秒游一個塘、然後用0.09秒轉身(勁過「破冰轉身10億倍」)、之後用1.5秒再游一個塘返終點！嘩！真係地球滅亡果日都無「人」破到佢紀錄！

而另外重有一項無咁「驚人」o既紀錄，就係有......(睇更多)
留言(0) | 引用(0)

肥死人！無麵包o既炸雞包？！
orphenus | 9th Apr 2010 | 一般 | (19 Reads)
漢堡包大家就食得多，不過無麵包o既漢堡包，你又食過未？

美國KFC非常有創意地推出左一款全新炸雞漢堡，不過呢個漢堡係無麵包o架！佢係用2塊家鄉雞取代麵包，中間夾住芝士、煙肉同埋沙律醬，嘩，真係啖啖都係肉肉肉肉肉........


最搞鬼係KFC吹哂水話呢個「包」.....(睇更多)
留言(0) | 引用(0)

老二大比拼！邊個係美國最勁「州」？
orphenus | 7th Apr 2010 | 一般 | (10 Reads)


我好鬼鍾意睇d安全套廣告，因為d公司肯放開手去玩，永遠都創意十足。不過，原來佢地唔止廣告創意勁，連做市場調查都笑死人~

美國一間叫做Condomania o既網上安全套商店就做左個好搞鬼o既網上調查，係調查全美國本土50個州男士老二o既size，睇下邊個「最勁揪」。佢o既方法係透過旗下出售o既一款TheyFit安全套，呢種袋袋總共有76種size，用幾年o既數據去得知各個州份o既男士老二size有幾大。
睇更多
留言(0) | 引用(0)

Next